Аввал хабар бериб ўтганимиздек, кеча “Қўқон-1912” жамоаси аъзолари ўз қароргоҳига йиғилиб, Тошкентга жўнаб кетишди. Вакилларимиз “Ўзбекистон” меҳмонхонасига жойлашишди. Бугун футболчилар тиббий кўрикдан ўтишади. Иккинчи йиғин давомида тўртта ўртоқлик учрашувини ўтказиш режалаштирилган. Ўйинлар санаси маълум бўлди. Жамоамиз 2016 йилдаги биринчи ўйинини 10 январь куни ўтказади. Кейинги баҳслар 14, 18, 21 январь кунларига белгиланган. Рақиблар билан музокаралар давом этмоқда.
Янги ўйинчилар кўрикдан ўтиши кўзда тутилган, кейинроқ бу ҳақида ҳам маълумот берамиз.
