Биласиз, “Андижон” жамоаси 5 январдан янги мавсумга тайёргарликнинг иккинчи босқичини бошлаб юборган.

Сергей Ковшов шогирдлари ўз қароргоҳларида машғулотларни давом эттиришмоқда. Жамоа йиғинига бир нечта футболчининг қўшилганини таъкидлаб ўтишимиз жоиз. Ўтган мавсумда “Машъал” шарафини ҳимоя қилган Сирожиддин Аллаев, “Бухоро”да ўйнаган Равшан Асланов ҳамда ўтган йили “Сўғдиёна” таркибида тўп сурган Муқим Тошматовлар “Андижон” жамоаси машғулотларида иштирок этишмоқда. Аммо бу футболчилар билан ҳали шартнома имзоланганича йўқ.

Таъкидлашимиз лозимки, “Андижон”нинг мазкур йиғини 16 январга қадар давом этади. Сўнг жамоа йиғинни Тошкентда давом эттиради. Синов-назорат баҳслари ҳам айнан пойтахт йиғини доирасида ўтказилади.