"Бунёдкор”нинг ОЧЛ-2016 “плей-офф” босқичидаги рақиби Дубайнинг “Ал-Шабаб” клуби мана тўртинчи ўйиндирки ғалаба қозона олмаяпти.
Бунгача “Фужайра” ва “Ал-Васл” билан дуранг қайд этиб, “Ал-Дафра”га имкониятни бой берган дубайликлар БАА чемпионатининг 14-турида “Ал-Шаржа”дан мағлуб бўлишди – 1:2.
Учрашувдаги ҳисобни 58-дақиқада “Ал-Шабаб”нинг чилилик легионери Карлес Вильянуэва очди. Лекин 71-дақиқада Рашид Носир ўртадаги мувозанатни тиклади. Ҳакам томонидан қўшиб берилган иккинчи дақиқада Вандерлей “Ал-Шабаб” дарвозасини ишғол қилиб, “Ал-Шаржа”га иродали ғалаба келтирди.
14 учрашувда 20 очко жамғарган Каио Жуниор бошчилигидаги “Ал-Шабаб” мусобақа жадвалининг 6-поғонасида бормоқда.
БАА чемпионати, 14-тур
7 январь, пайшанба
“АЛ-ШАРЖА” – “АЛ-ШАБАБ” 2:1
Голлар: Вильянуэва 58 (0:1), Рашид Носир 71 (1:1), Вандерлей 90+2 (2:1)
“Ал-Шабаб” таркиби: 18.Салим Абдулла, 3.Муҳаммад Али, 4.Муҳаммад Марзуқ, 7.Азизбек Ҳайдаров, 9.Жо (30.Муҳаммад Жума 87), 10.Карлес Вильянуэва, 11.Энрике Луваннор, 15.Давуд Али (77.Рашид Ҳасан 72), 25.Маҳмуд Қосим, 26.Ҳасан Иброҳим, 70.Аҳмад Сулаймон (29.Абдулраҳим Ҳусайн 46)
