Воҳа футболи ихлосмандларига яхши таниш бўлган “Машъал” жамоасининг собиқ ярим ҳимоячиси, мухлислар орасида “Кама” лақаби билан танилган Комил Ёмғиров 3 январ куни 50 ёшни қарши олди.

К.Ёмғиров футболчилик фаолиятини 1988 йилда “Факель”да (аввал “Машъал” футбол клубининг номи – таҳр.муаллиф) бошлаган,  бутсаларини михга илгунга қадар шу клубда фаолият юритди ва мухлисларнинг яхши кщрган футболчисига айланди. Комил Ёмғиров 2000 йили футболчилик фаолиятини тугаллашга қарор қилган эди.

3 январ куни Муборакдаги “Б.Вафоев” номли стадионнинг сунъий қопламали майдонида  К.Ёмғиров ўз туғилган куни муносабати билан собиқ жамоадошларини яна футбол ўйнашга таклиф қилди. Туғилган кунга бағишланиб, футбол турнири ўтказилди. Турнирда К,ёмғировнинг дўстлари – собиқ футболчилардан Олег Кахаров, Дадажон Тоғаев, Толиб Шоймардонов, Вали Келдиев, Шуҳрат Тошпўлатов ҳамда Рўзиқул Бердиевлар ҳозир бўлишди.

Рўзиқул Бердиев турнирга Қашқадарё футбол фахрийларидан ташкил топган жамоа билан ташриф буюргани мезбонларни жуда хурсанд қилди.

Йиғилганлар иккига бўлинишиб, воҳа футбол фахрийлари бир жамоа, иккинчи жамоа эса Муқимий номидаги мусиқали драма театрининг бир гуруҳ актёрларидан ташкил этган футболчилар бўлди. Шуниси диққатга сазоворки,  муқаддам ўзи тўп тепган собиқ футболчилар ҳали ҳам ёшлар ва бошқалар олдида футболни тарғиб қилишдан чарчашмаётганидир. Турнир жуда қизиқарли ўтди.

Тадбирда К,Ёмғировнинг оила-аъзолари, “Машъал” жамоасининг мураббийлари ва мубораклик футбол ишқибозлари иштирок этишди.

Тадбир сўнггида Комил Ёмғировга эсдалик совғалари топширилди. Жумладан “Насаф” футбол кулибнинг бош мураббийи Рўзиқул Бердиев ва “Насаф” жамоасининг мураббийи Шуҳрат Тошпўлатовлар ўзларининг собиқ жамоадошига “50” рақами туширилган “Насаф” жамоасининг футболкаси билан биллур кубок топширишди.

Матн ва фото муаллифи Дилшод Сафаров