“Монако” клуби раҳбарияти Бразилиянинг “Коринтианс” жамоаси ҳужумчиси Вагнер Лавни сотиб олганини тасдиқлади. Бу ҳақда “Монако” президенти ўринбосари Вадим Васильев маълумот берди.
“Биз Вагнер яқин кунларда етиб келишини кутмоқдамиз”, - унинг сўзларини келтиради клубнинг матбуот хизмати.
Илгарироқ Бразилия матбуотида 31 ёшли ҳужумчи 1.5 млн евро эвазига “Коринтианс”дан харид қилинганини хабар берган эди. Эндиликда бу маълумот расман тасдиқланди.
Матбуот анжумани чоғида Васильев “Монако” колумбиялик ҳужумчиси Фалькаонинг “Челси”даги ижарасини муддатидан илгари тўхтатиши мумкинлиги ҳақидаги маълумотни инкор қилди.
“У жароҳат олиб, саккиз ҳафтага сафдан чиқди, шу боис уни чақириб олмасликка қарор қилдик”, - деди Васильев.
