Тошкентнинг “Бунёдкор” жамоаси бугун Игорь Шквирин бошчилигидаги “Олмалиқ” клуби билан назорат учрашуви ўтказди.

Учрашув давомида ҳар иккала жамоа мураббийлари ҳам бир неча футболчиларни синовдан ўтказишди. “Қалдирғочлар” ҳар иккала бўлимда икки хил таркибни майдонга туширди. Бахтиёр Бобоев дастлабки таймда асосан ёш футболчиларга имкон берган бўлса, иккинчи таймда бир мунча тажрибали футболчиларни синаб кўрди.

Қизиқарли кечган баҳсда “Бунёдкор” рақибидан 2:1 ҳисобида устун келди. 20-дақиқасида Рўзимбой Аҳмедов пенальтидан гол уриб, “Олмалиқ”ни олдинга олиб чиққан бўли, 60-дақиқада Баҳодир Насимов 11 метрлик нуқтадан ҳисобни тенглаштирди. Ўйин охирларида Насимов ўнг қанотдан оширилган тўпни дарвозага аниқ йўллаб, “қалдирғочлар”га ғалаба келтирди – 2:1.

Шу куни “Бунёдкор” таркибида кўрикдан ўтишаётган сербиялик Иван Татамирович ва Александр Алемпиевич ҳам майдонга тушишди.

Назорат учрашуви
“БУНЁДКОР” – “ОЛМАЛИҚ” 2:1 (0:1)
Голлар: Рўзимбой Аҳмедов 20 пенальти (0:1), Баҳодир Насимов 60 пенальти (1:1), Баҳодир Насимов 80 (2:1)
“Бунёдкор”: Акбар Тўраев, Хуршид Ғиёсов, Жавоҳир Қаҳрамонов, Шаҳзод Абдураҳимов, Эргаш Исмоилов, Миржамол Қосимов, Дилшод Жўраев, Ислом Қобилов, Жавоҳир Эсонқулов, Жавлон Иброҳимов, Забиҳилло Ўринбоев
Захирадан майдонга тушганлар: Муроджон Зухуров, Акмал Шораҳмедов, Иван Татамирович, Рустамжон Ашурматов, Дилшод Аҳмадалиев, Александр Алемпиевич, Сардор Собирхўжаев, Санжар Қодирқулов, Анвар Ражабов (Фарҳод Намозов), Баҳодир Насимов, Шаҳзодбек Нурматов
“Олмалиқ”: Михаил Наумов, Раҳматилло Бердимуродов, Артём Филипосян, Эдуард Жевнеров, Абдуқаҳҳор Ҳожиакбаров, Ислом Иномов, Достон Абдураҳмонов, Азамат Исроилов, Зоҳир Пиримов, Мурод Ражабов, Рўзимбой Аҳмедов
Захирадан майдонга тушганлар: Акмал Ортиқов, Евгений Кочнев, Саидкомил Акбаров, Достон Тошматов, Абдумалик Абдуллаев, Исломбек Исоқжонов, Дониёр Исмоилов, Диёр Туропов, Евгений Гоголь, Муҳаммад Исаев
Бош ҳакам: Виктор Серазетдинов (Тошкент)