Бугун  футболчиларимиз “Шўртан” жамоаси билан назорат учрашувида майдонга чиқишди.

Мазкур учрашувда мураббийлар штаби асосан ёш футболчиларга имкон беришди. Асосий таркиб аъзолари эса Элдор Суюнов, Шерзод Аъзамов, Илҳом Шомуродов ва Артур Геворкян алоҳида машғулот олиб боришди.

Назорат беллашувнинг биринчи бўлимида Зафар Полвонов икки марта Алибек Туробов қўриқлаётган дарвозани аниқ нишонга олган бўлса, иккинчи бўлимда Аббос Омонов ўйинда якуний ҳисобни ўрнатди – 0:3.

Мазкур баҳсни жамоамиз қуйидаги таркибда ўтказди:

Алибек Туробов, Дониёр Нарзуллаев, Ботир Қораев, Шароф Муҳиддинов, Шуҳрат Муҳаммадиев, Эркин Бойдуллаев, Азизжон Ғаниев, Баҳром Абдураҳимов, Дилшод Хушбаков, Зоҳир Қўзибоев, Бобур Абдуҳолиқов.

Захирадан майдонга тушганлар: Ислом Рашидхонов, Акбар Муродов, Сирожиддин Қўзиев.

“Насаф” футболчилари навбатдаги назорат учрашувиини 17 январ куни Тошкентда Наманганнинг “Навбаҳор” жамоаси билан ўтказишлари режалаштирилган.