Ўтган мавсумнинг иккинчи даврасида Муборакнинг “Машъал” клуби ўринбосарлари сафида ҳаракат қилган иқтидорли ҳужумчи Жасур Бобоев Ғузорнинг “Шўртан” жамоасининг ўқув йиғин машғулотларига келиб қўшилди.
Эслатиб ўтамиз, мазкур футболчи вақтида Қаршининг “Насаф” жамоасида ҳам фаолият юритган.
Жароҳатлардан фориғ бўлган Жасур Бобоев ўтган йили биринчи лига вакили “Локомотив-БФК” жамоаси сафида ҳам ҳаракат қилган эди.
Жасур Бобоев ўтган йили биринчи давра якунига етгач, “Шўртан” жамоаси йиғинига келиб қўшилган эди. Аммо машғулотлар чоғида “оқ бўрилар”нинг собиқ мураббийи Мухтор Қурбонов билан чиқишмай қолди ва жамоани тарк этишга мажбур бўлди. Шундан сўнг у “Машъал” жамоаси сафида фаолиятини давом эттирди.
Фахриддин ЧОРИЕВ
