Ўзбек футболчилари тўғрисида турли хил қизиқарли маълумотларни беришда давом этамиз. Қуйида чарм тўп усталарининг интернет тармоғидаги фаолликларига назар ташлаймиз. 

“Локомотив” жамоаси етакчиси Темур Кападзе асосан сафарда бўлган вақтларда интернетдан кўп фойдаланади. У асосан футбол сайтлари, фейсбук, интаграмм, телеграмм тармоқларини кузатади. Уйда эса бунинг аксини кўриш мумкин. 

Сервер Жепаров ҳам мана шундай. Клуб билан сафардаги йиғинларда футболчини интернетдан топиш мумкин. Қолган вақтларда у унчалик фаол эмас. 

“Бухоро” ярим ҳимоячиси Азиз Ибрагимов эса фаол. Ибрагимов асосан фейсбук, телеграммдан доимий равишда фойдаланади. Баъзида уни кун давомида ҳам интернетдан топиб, сухбатлашиш имкониятига эга бўласиз. 

“Локомотив”нинг умидли ўйинчиси Санжар Шоаҳмедов интернетдан жуда кам фойдаланди. Бирорта ижтимоий тармоқда уни учратмайсиз. У асосан футболга ихтисослашган сайтларни кузатади. 

“Қўқон-1912” билан шартнома тузган Алибобо Раҳматуллаев ҳам интернетнинг доимий мижозидир. У фейсбук, телеграмм, инстаграммларнинг фойдаланувчиси. 

“Ал Жаиш” ярим ҳимоячиси Сардор Рашидовнинг барча тармоқларда профили бор.