Чили терма жамоаси бош мураббийи Хорхе Сампаоли ўзининг терма жамоадаги шогирди, «Арсенал» ҳужумчиси Алексис Санчесни Лондоннинг «Челси» клуби сафида кўришни истамоқда. Бу ҳақда Don Balon нашри хабар тарқатди.
Манбанинг хабарига кўра, Чили терма жамоаси устози «Челси»ни бошқариш учун асосий номзод бўлиб турибди. У жамоани 27 ёшли чилилик футболчини сотиб олган тақдирда бошқаришга рози бўлиши мумкин.
Жорий мавсумда Санчес Англия чемпионатида 14 учрашувда 6 гол ва 1та голли узатма амалга оширган. Чемпионлар лигасида бу борадаги кўрсаткич 5 ўйин, уч гол, 4 пасни ташкил қилиб турибди.