Айни кунларда жамоамизнинг Тошкентдаги йиғини давом этмоқда. Мурод Исмоилов бошчилигидаги мураббийлар штаби машғулотларни қизиқарли тарзда олиб боришмоқда. Машғулотлар кунига икки маҳал ўтказилмоқда. Дарвозабонлар билан Хислат Чилматов ишламоқда. Қолган футболчилар ҳам ўзларини кўрсатиш учун машғулотларда тер тукишмоқда.
Тоҳир Шамсиддинов билан тузилган шартнома маълум сабабларга кўра, бекор қилингани ҳақида кеча маълумот бердик. Ҳозирча таркибда бошқа ўзгаришлар бўлгани йўқ.
Режага кўра, вакилларимиз “Бекободнинг “Металлург” жамоасига қарши навбатдаги назорат учрашувини ўтказишади. Ўйин эртага бўлиб ўтади.
“Металлург” жамоаси билан шу кунга қадар Олий лига доирасида ўзаро 12 марта тўқнаш келганмиз. Ўйинларнинг олтитасида “Қўқон-1912” ғалаба қозонган. Иккита учрашувда дуранг натижа қайд этилган. Тўртта баҳсда бекободликларнинг қўли баланд келган. Тўплар нисбати-21-17 “Қўқон-1912” фойдасига. Ўзаро ўйинларда “Қўқон-1912” 20 очко жамғарган. “Металлург”нинг бу борадаги қўрсаткичи 14 га тенг.
Бу жамоаларнинг сўнгги учрашуви 2015 йилнинг 25 октябрь санасида Қўқонда бўлиб ўтган эди. Ўша учрашувда қўқонликлар 2:1 ҳисобида ғалаба қозонишган.
