“Бунёдкор” январь ойидаги учинчи назорат учрашувини “Бухоро” жамоасига қарши ўтказди.

Худди аввалги учрашувлардаги каби “қалдирғочлар” ўйинда икки хил таркиб билан иштирок этишди. Биринчи бўлимда бир мунча тажрибали футболчилар билан қаторда ёшлар таркибида ўзларини кўрсатиб келишаётган ёшлар ҳам ҳаракат қилишди. Биринчи бўлим ўрталарида Шаҳзодбек Нурматов рақиб ҳимоячиси ва дарвозабонининг қўпол хатосини гол билан жазолади.

Иккинчи таймда мураббийларимиз кўпроқ ёш футболчиларга имконият беришди. Бу таркибда ҳаракат қилган тажрибалироқ футболчилар Анвар Ражабов ва Дилшод Жўраев биттадан гол уришиб, якуний натижа 3:0 бўлишини таъминладилар.

Шу тариқа, “Бунёдкор” БАА сафари олдидан режалаштирилган учта назорат учрашувини ўтказишди. Уларда “Қўқон” 1:0, “Олмалиқ” 2:1 ва “Бухоро” 3:0 ҳисобларида мағлубиятга учратилди.

Назорат учрашуви
“БУНЁДКОР” – “БУХОРО” 3:0 (1:0)
Голлар: Шаҳзодбек Нурматов 27 (1:0), Анвар Ражабов 58 (2:0), Дилшод Жўраев 62 (3:0)
“Бунёдкор” (1-тайм): Муроджон Зуҳуров, Ислом Қобилов, Александр Алемпиевич, Рустамжон Ашурматов, Дилшод Аҳмадалиев, Акмал Шораҳмедов, Жавлон Иброҳимов, Санжар Қодирқулов, Минори Сато, Баҳодир Насимов, Шаҳзодбек Нурматов
“Бунёдкор” (2-тайм): Акбар Тўраев, Хуршид Ғиёсов, Нодир Мавлонов, Рустам Ашурматов, Эргаш Исмоилов, Дилшод Жўраев, Миржамол Қосимов, Сардор Собирхўжаев, Жавоҳир Эсонқулов, Анвар Ражабов, Забиҳилло Ўринбоев
“Бухоро”: Муҳиддин Худоёров, Бобур Омонов, Павел Смоляченко, Руслан Мельзиддинов, Саҳоб Жўраев, Саламат Қуттибоев, Сухроб Неъматов, Алишер Шоғуломов, Маъруф Муродов, Санъат Шихов, Ислом Холиқов
Ҳакамлар: Дмитрий Пислегин (Тошкент), Руслан Серазетдинов (Тошкент), Рустам Толибжонов (Қўқон)