Яқин ўтмишнинг машҳур юлдузларидан бири Гари Линекер рафиқаси, модель, телебошловчи Даниэль билан расман ажрашди. Юлдузли жуфтлик биргаликда 6 йилдан бери яшаб келишаётганди.
Эндиликда собиқ эр-хотинларга айланган жуфтликнинг бойлиги 20 миллион фунт стерлингга баҳоланяпти.
Эътиборга молик жиҳати шундаки, юлдузли жуфтликнинг ажрашиш жараёни бор йўғи 400 фунт стерлингга тушган. Ушбу сумма қоғозбозлик ва бошқа майда ҳаражатларга сарфланган.
Эслатиб ўтамиз, 55 ёшли Гарининг биринчи рафиқаси Мишель Кокэйндан тўрт нафар – Жорж, Гари, Тобиас ва Ангус исмли ўғиллари бор.
36 ёшли Даниэль эса биринчи турмушидан Элла исмли қизи бор. Унинг турмуш ўртоғи “Ковентри” клубининг собиқ футболчиси Адам Уиллис бўлган.
Хабарда айтилишича, Гари Линекер ва Даниэлнинг ажралишига собиқ футболчининг рафиқасидан фарзанд кўриш истаги йўқлиги сабаб бўлган.
