"Ливерпуль" жамоаси бош мураббийи Юрген Клопп "Манчестер Юнайтед"га қарши 17 январь куни ўтказиладиган АПЛнинг 22-тур учрашуви олдидан ўз фикрларини билдириб ўтди.

"Дерби - бу футболдаги энг яхши нарса. Худди шўрва тузсиз бўлмаганидек, футбол ҳам дербиларсиз бўлмайди. Мен бундай ўйинларга жуда ўчман.

Якшанба кунги баҳс катта аҳамиятга эга, чунки турнир жадвалида МЮ билан жуда яқинмиз, иккала жамоага ҳам ғалаба керак.
Ван Гаал - жаҳоннинг энг муваффақиятли мураббийларидан бири. Унинг ўз футбол фалсафаси бор. Буни ҳурмат қилиш керак. Биз бу жамоани мағлуб этиш вариантларини кўриб чиқдик.

Агар қайсидир вазифани тўғри бажара олмасак, кўпроқ югуришимизга тўғри келади. Хатони оёқ билан тўғрилаш мажбуриятига дуч келамиз. Лекин "Манчестер Юнайтед"ни 145 км масофада уёқдан-буёққа югуриш билангина енгиб бўлмайди. Тўғри қарорлар ва аниқ режа лозим.

Аввало яхши ҳимояланишимиз зарур. Ахир рақиб сафида юқори савияли футболчилар жамланишган.

Бундай ўйинга катта иштиёқ билан тушиш керак. Баланс ҳақида ўйлаш фурсати эмас, бор кучни майдонга ташлаш керак" - дейди Клопп.