"Бока Хуниорс" клуби ярим ҳимоячиси Родриго Бентанкур фаолиятини "Реал"да давом эттириши мумкин.
Аs нашрининг хабар қилишича, мадридликлар 18 ёшли футболчи учун 15 миллион евро таклиф қилишган. Бентанкур учун "Ювентус" ҳам кураш олиб бормоқда.
Қайд этилишича, бу трансфер амалга ошадиган бўлса, "Реал" Бентанкурни сотиб олгач, "Бока Хуниорс"нинг ўзига 2017 йилнинг ёзигача ижарага қайтариб беради.
Эслатиб ўтамиз, ФИФА томонидан қўйилган тақиққа кўра, "Реал" 2016 йилнинг ёзида ва 2017 йилнинг қишидаги трансферлар вақтида янги футболчиларни рўйхатдан ўтказиш ҳуқуқидан маҳрум қилинган.