«Бухоро” 18 январь куни “Қўқон-1912” жамоасига қарши назорат учрашувини ўтказди ва шу куни жамоа аъзоларига қисқа таътил берилди, дея хабар беради жамоанинг расмий сайти.
Бугун, 22 январдан бошлаб бухороликлар яна пойтахтда йиғилиб, мавсумолди тайёргарликнинг учинчи босқичини бошлашади.
Ушбу босқичда мураббийлар штаби футболчиларнинг жисмоний тайёргарлигини маромига етказиш билан бирга, бевосита учрашувлардаги турли хил техник ва тактик усуллар ишлаб чиқилади. Назорат учрашувлари орқали ушбу усуллар амалда синовдан ўтказилиши режага киритилган.
“Бухоро”нинг спарринг-рақиблари тўғрисида маълумот кейинроқ ҳукмингизга ҳавола этилади.
