"Реал" клуби "Барселона" ҳужумчиси Неймарга қизиқиш билдирмоқда, дея хабар беради Marca.
Мадрид клуби вакиллари яқинда бўлиб ўтган "Олтин тўп" топшириш маросимида бразилиялик футболчи билан учрашган. Манбада келтирилишича, мадридликлар аллақачон музокараларни бошлаб юборган. "Реал" президенти Флорентино Перес Неймар учун 190 миллион евро сарфлашга тайёр.
Эслатиб ўтамиз, "Реал"га трансферлар ойнасининг икки муддатида янги футболчи сотиб олиш тақиқланган, аммо мадридликлар бу санкциянинг бекор қилинишидан умидвор. "Қироллик клуби" апелляция берган.
Неймар ушбу мавсумда 27 учрашув ўтказиб 20 гол урган ва 12 голли узатма оширган.
