Биласиз, Қатар яшил майдонларида давом этаётган 23 ёшгача бўлган футболчилар ўртасидаги Осиё чемпионати бизнинг олимпиячиларимиз учун эрта якунланди.
Самвел Бабаян шогирдлари 3 та учрашувда атиги 3 очко жамғариб, уйга гуруҳ босқичидан кейиноқ қайтишди. Мазкур мусобақада Олимпия терма жамоамиз сафида иштирок этган Сербиянинг “Явор” клуби ҳужумкор ярим ҳимоячиси Ҳусниддин Ғофуров айни пайтда юртимизда ва у уйда ҳордиқ чиқармоқда.
Маълум бўлишича, Сербия Суперлигасида жамоалар қисқа таътилга чиққани сабаб футболчимиз ҳали ўз клуби таркибига бориб қўшилмади. Ҳусниддин Ғофуров 28 январдан “Явор” йиғинига йўл олади.
Таъкидлаб ўтамиз, маҳоратли футболчи Ўзбекистон U-23 терма жамоаси сафида Осиё чемпионатида 1 та учрашувда иштирок этди. Жанубий Корея терма жамоасига қарши кечган ўйиннинг 80-дақиқасида Достон Ҳамдамов ўрнига майдонга туширилди.
