Кеча Тошкентнинг “Бунёдкор” жамоаси БАА йиғини доирасидаги тўртинчи назорат учрашувини ўтказди.

“Қалдирғочлар” Дубай шаҳрида Хитойнинг “Хенан Жианье” клуби билан куч синашдилар.

Биринчи бўлимда Дилшодбек Аҳмадалиевга нисбатан ишлатилган қўполлик натижасида хитойликлар дарвозаси томон пенальти белгиланди. 11 метрлик нуқтадан Достонбек Ҳамдамов ҳисобни очди. Танаффусдан сўнг Ҳамдамовнинг бурчак зарбасидан бошлаган комбинациясини Забиҳилло Ўринбоев гол билан якунлади. Бироқ орадан кўп ўтмай Йин Хонгбо ҳисобни қисқартирувчи голни урди. Учрашув якунланиши арафасида эса “Бунёдкор”нинг япониялик легионери Минори Сато ҳужумчи Шаҳзодбек Нурматов билан чиройли комбинация ташкил этиб, ҳисобни 3:1 кўринишига келтирди.

Қуйидаги ҳаволалар орқали “Бунёдкор” – “Хенан Жианье” учрашуви видеошарҳи билан танишишнгиз мумкин.