Украинанинг «Динамо» Киев клуби яримҳимоячиси Андрей Ярмоленко ёзда Лондоннинг «Арсенал» клубига ўтадиган бўлди. Бу ҳақда Sport.ua нашри хабар тарқатди.

Манбанинг ёзишича, томонлар 26 ёшли футболчининг ёзда Лондонга кўчиб ўтиши бўйича келишувга эришишган.

Олдинроқ, «Динамо» Ярмоленкони сотишдан 30 млн евродан кам бўлмаган даромад кўришни истаётгани, бундан ташқари Европа чемпионлар лигасининг 1/8 финал босқичида «Манчестер Сити»га қарши учрашув олдидан етакчисини йўқотишни истамаётгани хабар қилинганди.

Эслатиб ўтамиз, «Динамо» қишки трансферлар пайтида Ярмоленкони «Эвертон»га сотишни истамаганди. Дортмунднинг «Боруссия» клуби эса футболчининг трансфер нархи жуда қиммат деб ҳисоблаб, уни сотиб олиш фикридан қайтганди.