"Реал" жамоаси ўз футболчиси Искони "Арсенал"га 25 млн фунт эвазигагина сотиши мумкинлигини билдирди. Бу ҳақда Express нашри хабар тарқатган.
23 ёшли бу футболчи билан мадридликларнинг амалдаги шартномаси 2018 йилнинг ёзига қадар тузилган.
Испания терма жамоасига номзод бўлмиш бу футболчи "Валенсия" жамоаси академияси тарбияланувчиси ҳисобланади. У "Реал"га 2013 йилнинг ёзида "Малага"дан 30 млн евро эвазига келиб қўшилганди. У шу вақтгача асосий таркибнинг муқим аъзосига айлана олмагани учун жамоани тарк этишни истаётгани айтилган. Бу футболчига Англия премьер-лигасининг бошқа жамоаларидан ҳам қизиқишлар бор.