“Барселона” клуби бир неча кундан бери Туриннинг “Ювентус” клуби ҳужумчисини сотиб олишга кўп маротаба ҳаракат қилиб кўрди. Лекин италияликлар каталонияликларнинг таклифини рад этишаётганди.
Бироқ бугун Sport нашри тарқатган хабарларга қараганда, “Барселона” вакиллари Пабло Дибала учун яна бир бор уриниб кўришади.
Манбанинг маълум қилишича, Каталония клуби ёш иқтидор билан ёзда шартнома имзоламоқчи. Қайд этиш лозим, айни пайтда 60 миллион еврога баҳоланаётган аргентиналик футболчининг клуб билан шартномаси 2020 йилнинг ёзига қадар амалда бўлади.