Жамоамизнинг Тошкентда ташкил этилган дастлабки ўқув-машғулот йиғини эртага якунланади.
Йиғин сўнггида аввал хабар бериб ўтганимиздек, Жиззахнинг “Сўғдиёна” жамоаси билан навбатдаги назорат учрашуви ўтказилади. Жиззахликларга қарши ўйиндан кейин жамоа аъзоларига қисқа муддатлик таътил эълон қилинади. Тайёргарликнинг навбатдаги босқичи ҳам пойтахтда давом эттирилади. Жамоамиз аъзолари 2 февралда яна Тошкентда йиғилиб, мавсумга ҳозирликни давом эттиришади. Ўтган вақт давомида жамоамиз таркибида ўзгариш рўй бермаганлигини айтиб ўтиш жоиз. “Сўғдиёна”га қарши учрашувдан кейин эса таркибда саралаш ишларини олиб бориш кўзда тутилган. Яъни “Навбаҳор” кўригида бўлган айрим футболчиларга жавоб берилиши мумкин.
