Лондоннинг “Челси” клубида бир нечта машхур футболчилар ҳаракат қилишган. Қизиқ томони шулар орасида ниқоб тақиб майдонга тушганлари ҳам етарлича топилади. Масалан Сеск Фабрегас, Фернандо Торрес, Жон Терри, Рамирес ва бошқалар. Ҳозир эса “аристократлар” сафида ниқоб таққан футболчиларнинг рамзий терма жамоасини сизларга тақдим этамиз.
Паулу Феррейра. Бу футболчи ҳам вақтида “Челси” клубида фаолият олиб борган. Лекин жамоадаги рақобат туфайли Лондонни тарк этишга мажбур бўлган.
Жон Терри. Англия терма жамоасининг собиқ футбочиси “Челси”нинг ҳақиқий афсоналаридан ҳисобланади. У узоқ йиллар мобайнида “аристократлар” таркибида тўп тепган. Ҳимоячи маълум муддат ниқоб таққан ҳолда майдонга тушган. Чунки юзидаги жароҳат шунга сабаб бўлган.
Гарри Кэйхилл. Ушбу марказий ҳимоячи бир қанча вақт ниқобдан фойдаланишга эҳтиёж сезган. Чунки унда ҳам жароҳат бўлган. Сўнгги хабарларга қараганда, жамоа мутасаддилар унинг айни пайтдаги ҳолатидан норозилар. Шу боис ҳимоячи бу мавсум Лондонни тарк этиши мумкин.
Сесар Аспиликуэта. Испаниялик ҳимоячи Эшли Коул кетгандан кейин асосий таркиб футболчисига айланди. У айни пайтга келиб чап қанотнинг доимий аъзоси ҳисобланади.
Михаэль Баллак. Германия терма жамоасининг собиқ футболчиси “Челси”даги фаолият олиб борганидан хабарингиз бор. Баллак нафақат Лондонда, балки бутун дунёда ҳам ўз мухлисларига эга. У ЕЧЛда “Барселона”га қарши учрашувда ҳакамни қандай таъқиб қилгани барчанинг ёдида бўлса керак. У ҳам “аристократлар” сафида тўп тепиши давомида ниқоб тақишга улгурган футболчилардан саналади.
Рамирес. Бразилиялик ярим ҳимоячи “Челси”нинг содиқ футболчиларидан ҳисобланади. 29 ёшли ярим ҳимоячи “Крузейро” - “Бенфика” йўналиши билан Лондонга келган. Аммо у ҳам қишда Осиёга йўл олиши ҳақида хабарлар янграмоқда.
Наманья Матич. Бу футболчи Моуриньо пайтида асосий таркибга киргандан сўнг ўз ўрнини ҳозирча бошқаларга бўшатгиси келмаяпти. Сербиялик хавбек Лондонга келгунича, 4 та чемпионат ҳавосидан “нафас” олган (Сербия, Словакия, Голландия ва Португалия).
Сеск Фабрегас. Машхурликка Англиянинг “Арсенал” клубида эришган футболчи орада Испанияга ҳам “саёҳат” қилиб қайтди. Лекин у бу гал собиқ жамоасини эмас, Лондоннинг “Челси” клубини танлади. Испаниялик футболчи майдоннинг исталган жойида ҳаракат қила олади. Унинг “аристократлар”даги дастлабки мавсуми омадли чиқди. Лекин бу йил...
Фернандо Торрес. Юлдузлик онларини “Атлетико” ва “Ливерпул”да ўтказган Фернандо Торрес “Челси”га келиб фақат пул ушлади десак адашмаган бўламиз. Фақатгина ЕЧЛ ярим финалидаги “Барселона”га қарши жавоб учрашувини инобатга олмаганда, албатта. Лекин испаниялик ҳужумчи Лондондаги қисқа муддатли фаолияти давомида ниқоб тақишга ҳам улгурганлардан ҳисобланади. 
Демба Ба. Катта умидлар билан сотиб олинган футболчи ишончни оқлай олмади. Демба Ба “Ньюкасл”даги ўйини “Челси”да намойиш эта олмади. Шу боис аллақачон сенегаллик форвард бошқа чемпионатда тўп тепмоқда. 
Қуида “Челси”нинг ниқоб таққан футболчиларининг рамзий терма жамоаси:
