Хабарингиз бор, айни пайтда Олий Лиганинг барча жамоалари янги мавсумга қизғин ҳозирлик олиб боришмоқда.
Ҳар йили Ўзбекистон Профессионал футбол Лигаси жамоаларнинг янги мавсумни бошлашлари олдидан анъанавий ПФЛ кубоги мусобақасини ўтказиб келади. Амалдаги ғолиби Ғузорнинг “Шўртан” клуби ҳисобланадиган ушбу турнир бу сафар 5-20 февраль кунлари пойтахтимизда бўлиб ўтади.
Олинган сўнгги маълумотларга қараганда “Бухоро” жамоаси бу йил ПФЛ кубогида қатнашмайди. Жамоа раҳбарияти ва мураббийлар штаби шундай қарорга келган.
Таъкидлаш жоиз, яқинда “Қўқон-1912” клуби ҳам ПФЛ Кубогида иштирок этмаслигини маълум қилганди.
