"Реал" бош мураббийи Зинедин Зидан Испания чемпионатида "Эспаньол" устидан қозонилган йирик ҳисобдаги ғалабадан сўнг (6:0) фикрлари билан ўртоқлашди.
"Бу бизнинг энг яхши ўйинимизми, йўқми, билмайман. Бирор нарса ўзгарганига ишонмайман, аммо ниманидир бошқача бажара бошладик. Биз нормал ҳолатга қайтяпмиз.
Вазифамиз - ҳар бир ўйинда бор эътиборимизни чемпионатда ғолиб чиқишга қаратиш. "Барселона" билан орамиздаги фарқ 4тадан 7тага ошиши мумкинлигига қарамай, олдинга интилаверамиз. Вазият оддий эмас, биздан талаб қилинган нарсани бажариш учун қўлимиздан келганича ҳаракат қиламиз.Орзу ҳали ўлмаган, ҳеч нарса йўқотилмаган. Ҳа, қийин бўлади, аммо бажариб бўлмайдиган ишнинг ўзи йўқ", - дейди Зидан.