"Милан" бош мураббийи Синиша Михайлович Италия чемпионатида "Интер" устидан қозонилган ғалабадан сўнг (3:0) фикрларини изҳор қилди.

"Мураббий бўлибманки, ҳали бунчалик қувонмаган эдим. Дерби бундай устунлик билан ғалаба қозониш - жуда ажойиб. Бундай ўйинлар тарихга киради.

Айниқса президентимиз учун хурсандман, у ниҳоят бизнинг бундай ғалабамиздан завф олиб турибди. У бизнинг бош мухлисимиз, ўйинимиз чиқмаса жуда хафа бўлади.

Биз ўз ўйинимизни топиб олдик. "Фиорентина" ва "Лацио"ни енгдик, ютишимиз мумкин бўлган ўйиндан "Рома" билан дуранг ўйнадик. Иккинчи даврада ҳаммаси жойига тушишини, натижалар келишини аввал айтгандим, ҳозирча ҳаммаси яхши", - дейди Михайлович.