Англиянинг «Манчестер Сити» клуби бош мураббийи Мануэль Пеллегрини ёзда унинг ўрнини эгаллайдиган «Бавария» бош мураббий Хосеп Гвардиоланинг «шаҳарликлар» бошқарувига келиши борасида ўз баёнотини берди.

«Мен клуб раҳбарияти билан гаплашганимда, бу ерда дастлабки тузган шартномам якунига қадар ишлашимни айтгандим. Шартноманинг 2017 йилгача узайтирилишида битта шарт бор эди. Иккала томон ҳам истаса, бу банддан фойдаланишни тўхташи мумкин бўларди. Мен бу ердаги фаолиятимни 30 июнь куни якунлайман, шундай экан ҳеч қандай спекуляция бўлиши мумкин эмас.

«Манчестер Сити» орқамдан ҳеч қандай иш қилгани йўқ. Мен буларнинг ҳаммаси ҳақида бир ой олдин билардим. Бу ҳақидаги миш-мишлар яхши эмас деб ўйлайман. Шу боисдан ҳам шахсан ўзим спекуляцияга якун ясашни ва футболчиларга ва матбуотга бу ҳақида хабар беришни истадим. Мен икки ҳафта олдин клуб раҳбарлари билан гаплашганимда шундай қилмоқчи эканимни айтгандим», – дейди 62 ёшли мутахассис.

Эслатиб ўтамиз, чилилик мураббий Манчестерда 2013 йилдан буён ишлаб келмоқда. Бу давр мобайнида у Англия чемпионати ва Кубогида зафар қучишга улгурган.