"Интер" бош мураббийи Роберто Манчини Италия чемпионатида "Милан"га бой берилган учрашувдан сўнг (0:3) ўзининг "россонерилар" мухлислари билан юзага келган муаммоси ҳақида изоҳ бериб ўтди.
"Ҳа, мен уларга ўрта бармоғимни кўрсатдим. Бу мухлислар мени қаттиқ ҳақорат қилишди ва улар трибунада ўтиришга ҳақли эмаслар.
Уларни стадион қўриқчилари тийиб туриши керак эди", дейди Манчини.
Эслатиб ўтамиз, бу мураббий ўйин вақтида ҳакам Антонио Дамато билан тортишгани учун четлатилганди.
Эндиликда унга лиганинг кейинги турларидан дисквалификация қилиниш хавф солмоқда.
