Саудия Арабистонидаги шаҳзодалардан бири Фаҳд ибн Холид Фейсал Франциянинг учинчи дивизионидаги жамоалардан бирини сотиб олди ва у жамоани ривожлантириш учун 50-60 млн евро сарфлашни режалаштирган.
Маълум қилинишича, у "Седан" жамоасини сотиб олган ва бу жамоани ЕЧЛда муваффақиятли даражада иштирок этувчи жамоага айлантириб, кейинроқ бу жамоа билан турнирда зафар қучмоқчи.
"Биз ЕЧЛда қатнашишни истаймиз. Бу орзу ва бу амалга ошиши мумкин", деган у Франциядаги телеканаллардан бирига берган интервьюсида.
Маълумот учун, "Седан" 1919 йилда асос солинган жамоа бўлиб, у ҳозирда Франциянинг учинчи дивизионида иштирок этмоқда. "Седан" биринчи дивизионда охирги марта 2006-07 йиллар мавсумида кўриниш берганди.
Шаҳзода ўз ҳамкорлари билан жамоани молиялаштиришни ва жамоа қошида футболчиларни тайёрлаш академияси ташкил қилишни режалаштирган.
Жамоанинг янги хўжайинининг энг катта орзуси Мессини кунлардан бир куни "Седан"да кўриш экани айтилмоқда.
