Чемпионлар лигасидаги рақибларимиз ички мусобақаларда иштирокларини давом эттиришмоқда, дея хабар беради "Пахтакор" расмий сайти.
1 ва 2-турлардаги рақибимиз "Ал Ҳилол" Саудия Арабистони чемпионатида якка пешқадамга айланди. Риёдликлар охирги турда сафарда "Ваҳда"дан 3:1 ҳисобида устун келишди. 14 ўйинда 36 очко жамғарган "Ҳилол" яқин таъқибчиси "Аҳли"ни 2 очкога ортда қолдирмоқда.
Табризнинг "Тракторсози" жамоаси 18-турда "Рахахан" билан голсиз дуранг ўйнади. Жамоа 27 очко билан 6-поғонани банд этиб турибди.
Плей-офф иштирокчиларидан бири "Ал Жазира" БАА чемпионатида 16 ўйинда 16 очко тўплаб, 11-ўринга тушиб қолди. "Ал Садд" эса Қатар лигасида 16 учрашувдан кейин 28 очкога эга ҳолда 4-поғонани эгаллаб турибди.
