“Вилояти ҳокими кубоги-2016“
“В” гуруҳи”
5-тур.
“Қўқон-1912”-1 – “ФарДУ – Футбол инфо” 3:2 (2:1)
Голлар: Отабек Ҳайдаров – 2, Отабек Зокиров – 22, Илья Ильин – 87. – Хожимурод Насриддинов – 45, Рустам Абдуҳамидов – 70.
Ҳакамлар: Ж Ҳакимов, Ш Аъзамов, Ж Неъматжонов (барчаси Фарғона)
“Қўқон-1912”; 1. Руслан Матниязов 49. Илҳом Комилов 55. Ойбек Нурбоев 24. Илья Ильин 8. Сардор Қаҳҳоров 14. Алибобо Раҳматуллаев 15. Алишер Зиявиддинов 19. Абдуллоҳ Олимов 7. Отабек Зокиров 91. Отабек Ҳайдаров 22. Абдул Азиз Юсупов.
Захира: 21. Ғайрат Хасанов 6. Маъруф Зокиржонов 26. Достон Меликўзиев 27. Жалил Кимсанов.28. Хайрулло Жакбаров 30. Ҳасан Асқаров 56.Муҳамаданас Ҳасанов
“ФарДУ – Футбол инфо ” : 71. Ф Мирзақосимов 3. М Қосимов 4.А Нуралиев 6. Ш Хожиматов 7. А Мирзаев 11. Б Аминжонов 12. А Раҳимзода 13.З Раҳматов 17. Р Абдуҳамидов 15. Х Насриддинов 21. Ш Туронов .
Захира: 16. И Сайдуллаев 8.М Эгамбердиев 10. А Абдуллаев 14.Н Камолов 18. Х Мадаминов 77. У Соибов 5. Д Шаматов .
Учрашув кутилганидек Қўқонлик футболчиларнинг устунлигида бошланди. Дастлабки дақиқалардан ҳужумга ўтган жамоамиз аъзолари 2-дақиқадаёқ мақсадларига эришишди. Қанотдан Алибобо Раҳматуллаев ошириб берган тўпни Отабек Ҳайдаров боши билан “талабала” дарвозасига жойлаб қўйди. Бу ҳужумчимизнинг турнирдаги олинчи голи бўлди.
Шундан сўнг ҳам бир нечта хавфли вазиятлар яратилди.
Ўйиннинг 16-дақиқасида “ФарДУ-Футбол инфо” футболчилари дарвозамиз томон биринч аниқ зарбани йўллашди. Жарима майдончасининг ўнг қанотидан белгиланган жарима зарбасини Абдулла Мирзаев чиройли тарзда ижро этди. Унинг кучли ва аниқ зарбасини Руслан Матниязов майдон ташқарисига чиқариб юборди.
22-дақиқага келиб хисоб 2:0 га ўзгарди. “ФарДУ-Футбол инфо” дарвозаси томон, чамаси 23-24 метрлардан белгиланган жарима зарбасини Отабек Зокиров ажойиб тарзда йўллаб ҳисобдаги фарқни 2 тага оширди.
Ўйиннинг 41-дақиқасига келиб жамоамиз аъзолари бир киши кам бўлиб қолишди. Абдуллох Олимов ҳакам томонидан иккинчи сариқ карточкани олиб майдонни тарк этди.
1-таймни сўнгги дақиқасида рақибларимиз биринчи жавоб тўпини киритишди. Қанотдан оширилган тўпни Хожимурод Насриддинов боши билан Матниязов дарвозасига йўллаб қўйди – 2:1.
Ўйиннинг 2-бўлимида 1 киши кўп бўлиб ўйнаган фарғоналик “талабалар” юқори иштиёқ билан тўп суришди. Улар иложи борича Олий лига вакилига қарши муносиб ўйнай олишларини исботлашга ҳаракат қилишди. Натижада ўйиннинг 70-дақиқасида Рустам Абдуҳамидов ҳисобни 2:2 кўринишига олиб келди.
Учрашувни 87 дақиқасида жамоамизнинг тажрибали ҳимоячиси Илья Ильин боши билан “ФарДУ-Футбол инфо” дарвозасини ишғол қилди. 88-дақиқда “ФарДУ-Футбол инфо” ўйинчиси қўпол ҳаракат қилгани учун ҳакам томонидан қизил карточка билан жазоланди. Жамоамиз таркибида ёш иқтидорли хужумчи Достон Мелиқўзиев захирадан Алибобо Раҳматуллаевни ўрнига майдонга тушди.
Шундай қилиб асосий жамоамиз “Вилоят Ҳокими Кубоги-2016”даги навбатдаги ўйинни 3:2 ҳисобидаги ғалаба билан якунлашди.
