Тошкент йиғини чоғида мураббийлар штаби селекцияга ҳам жиддий эътибор қаратмоқда. Бунинг натижасида жамоа ўз сафига Ғулом Ўруновни қўшиб олди. Футболчи билан олиб борилган музокаралардан сўнг, марказий ярим ҳимоячи жорий мавсумни “Андижон”да ўтказадиган бўлди. Профессионал футболчилик фаолияти давомида бунгача “Пахтакор”, “Қизилқум”, “Динамо”, “Нефтчи” ҳамда “Олмалиқ” каби жамоаларда ўйнаган 27 ёшли футболчи эртадан жамоа машғулотларига қўшилади. 

Эслатиб ўтамиз, Ўрунов мавсум-2015 “Олмалиқ” шарафини ҳимоя қилди. Ўтган йили у олий лигада 23та ўйин ўтказиб, 2та гол урган. Дарвоқе, бугунги кунда яна айрим футболчилар билан музокаралар давом этаётганини айтиш лозим. Шу боис селекция ишлари чемпионат стартига қадар давом этади. 

“Андижон” ФК матбуот хизмати.