“Манчестер Сити” жамоаси бош мураббийи Мануэль Пеллегрини Англия чемпионати 25-турида “Лестер”га қарши (1:3) ўйиндан сўнг матбуот анжуманида қатнашиб, учрашув борасида ўз фикрлари билан ўртоқлашди.
- Ўйин борасида ҳеч қандай шикоятим йўқ. Шунчаки, “Лестер” биздан кўра яхши ўйнади. Тезкор гол ўйин тақдирига таъсир ўтказди. Бизда имкониятлар бор эди, аммо, ўйин қийин тарзда ўтди. Олдинда ўйинлар кўп ва биз имкон қадар кўпроқ очколар йиғишга ҳаракат қиламиз. Тан олиш керак, мазкур мағлубият кутилмаган бўлди, - дейди чилилик мутахассис.
Эслатиб ўтамиз, "тулкилар" мазкур турдан сўнг очколар сонини 53 тага етказиб, пешқадамликни мустаҳкамлаб олишди. "Шаҳарликлар" 47 очко билан иккинчи поғонада қолиб кетишди.