Биласиз, эртадан қитъамизда клублар миқёсида энг нуфузли турнир саналадиган Осиё Чемпионлар Лигасида плей-офф босқичи старт олади.

“Бунёдкор” жамоаси гуруҳ босқичига йўлланма берувчи битта ўйинлик баҳсда БААнинг “Аш-Шабоб” жамоасини қабул қилади. Шу ўринда плей-оффнинг қолган жуфтликлари билан ҳам таништириб ўтсак. Ўзбекистон терма жамоаси етакчиларидан бири Сардор Рашидов тўп сураётган Қатарнинг “Ал-Жаиш” клуби мазкур босқичда Эроннинг “Нафт Теҳрон” клубига қарши баҳс олиб боради.

Плей-офф жуфтликлари, Ғарб минтақаси
Ал-Иттиҳод (Саудия Арабистони) — Ал-Виҳдат (Иордания)
Нафт Теҳрон (Эрон) — Ал-Жаиш (Қатар)
Бунёдкор (Ўзбекистон) — Аш-Шабоб (БАА)
Ал Жазира (БАА) — Ал Садд (Қатар)

Таъкидлаш жоизки, ҳамюртимиз плей-офф ўйинида ўз жамоасига ёрдам бера олмайди. Боиси, Сардор Рашидов Қатар Юлдузлар Лигаси доирасида “Ал-Харайтият” клубига қарши кечган ўйинда енгил жароҳат орттириб олди. Шундай бўлса ҳам футболчимиз жамоаси билан биргаликда Теҳронга ташриф буюрди.

Биз плей-оффда Сардор Рашидовнинг “Ал-Жаиш”ига ҳам омад тилаймиз. Агар қатарликлар бу босқичдан муваффақиятли ўтиб олишса, гуруҳ босқичида “Насаф” билан тўқнаш келишади.

"D" гуруҳи
1. "Ал-Айн" (БАА)
2. "Насаф" (Ўзбекистон)
3. "Ал-Аҳли" (С. Арабистони)
4. "Нафт" (Эрон) - "Ал-Жаиш" (Қатар)