Италиялик мураббий Фабио Капелло «Реал» ҳужумчиси Криштиану Роналду юқори савияда яна неча йил ўйнаши мумкинлиги ҳақида ўз фикрини билдириб ўтди.
«Роналду бемалол яна 3 йил ўйнай олади. У ўзига яхши қарайди ва катта тажрибага эга. Шу боис, у бемалол 34 ёшгача ўйнаши мумкин. У каби тўпурарни топиш осон эмас», — дейди Капелло.
Роналду ушбу мавсум давомида ўзининг келажаги борасида турли фикрларни айтиб ўтди. Бу эса "Реал" президенти Флорентино Пересга унчалик ёқмади. Шунга қарамай, у португалиялик футболчини «Реал»да олиб қолишни истамоқда.