«Локомотив»нинг гуруҳимиздаги учинчи рақиби

“Локомотив” 23 февраль куни Саудия Арабистони етакчиларидан бири “Ал-Иттиход”ни қабул қилади. Кеча якунига етган плей-офф босқичидан кейин бу жамоа “темирйўлчилар” жой олган “А” гуруҳининг тўртинчи вакилига айланди. Ўқув-йиғин машғулотларини Дубайда олиб бораётган "Локомотив" аъзолари ўйинни жонли кузатиб боришди.

Жиддадаги “Қирол Абдуллоҳ” стадионида бўлиб ўтган плей-офф ўйинида Виктор Пицурке шогирдлари Иорданиянинг “Ал-Вихдат” клубини 2:1 ҳисобида мағлуб этишди. “Ал-Иттиход” чемпионлар лигасининг Жиддада бўлиб ўтган сўнгги 10 та ўйинидан 9 тасида ғалаба қозониб келаётганди. Бу сафар ҳам клуб яхши анъанасини давом эттира олди.

Беллашувнинг 11-дақиқасида иорданиялик футболчилар сенегаллик легионер Малик Таллнинг голи билан ҳисобда олдинга чиқиб олишни уддалашганди. Чемпионлар лигасидаги иштирок бобида тажрибалироқ бўлган саудияликлар биринчи бўлимнинг ўзидаёқ вазиятни ўз томонларига оғдиришди. 17-дақиқада венесуэлалик Ҳавьер Ривас ҳисобни тенглаштирган бўлса, 45-дақиқада баҳрайнлик ҳакам Наваф Шукрулла белгилаган пенальтини Мухтор Фалатаҳ аниқ амалга ошириб, жамоасини олдинга олиб чиқди. Иккинчи бўлимда дарвозалар бошқа ишғол этилмади.

Шу тариқа “Ал-Иттиход” гуруҳ босқичидаги биринчи учрашувини Тошкентда ўтказадиган бўлди. 2-турда шунинг акси бўлиб, “Локомотив” 1 март куни “Қирол Абдуллоҳ” стадионида саф тортади. Гуруҳимиздан шунингдек Эроннинг “Фулад Сепахон” ҳамда БААнинг “Ан-Наср” клублари ҳам жой олишган.

ОЧЛ. Плей-офф. “Қирол Абдуллоҳ” стадиони
АЛ-ИТТИХОД (С. Арабистони) – АЛ-ВИХДАТ (Иордания) 2:1
Голлар: Малик Талл, 11 (0:1). Ҳавьер Ривас, 17 (1:1). Мухтор Фалатаҳ, 45-пен (2:1).
“Ал-Иттиход”: Ассаф Ал-Қарни — Мажид Ал-Ҳайбари, Аҳмад Асири, Зиёд Ас-Саҳафи, Авад Хрис (Файсал Ал-Ҳара, 76) — Абдулфаттоҳ Асири, Лусиан Санмартин, Салли Мунтари — Фаҳад Ал-Муваллад, Мухтор Фалатаҳ (Жамол Ба Жандуҳ, 56), Ҳавьер Ривас.
“Ал-Вихдат”: Амир Шафи — Ферас Зиёд, Муҳаммад Али, Элдер Лобато, Муҳаммад Ал-Думейри — Амир Диб, Аҳмад Элиас (Солиҳ Ратеб, 79), Фади Авад — Аҳмад Ҳишам, Баҳаа Файсал (Франсиско Вэгсли, 75), Малик Талл (Аҳмад Абукбир, 72).
Огоҳлантиришлар: Авад Хрис (65) — Муҳаммад Ал-Думейри (3), Аҳмад Ҳишам (44).
Ҳакам: Наваф Шукрулла (Баҳрайн)

Тизимга кириш
Эл. почта:
Пароль:
	Эсда сақлаш

регистрация \| паролни тиклаш

22/12 00:45	Лечче	1-2	Лацио
22/12 01:00	Барселона	1-2	Атлетико
22/12 16:30	Рома	5-0	Парма
22/12 18:00	Валенсия	2-2	Алавес
22/12 19:00	Фулхэм	0-0	Саутгемптон
22/12 19:00	Лестер	0-3	Вулверхэмптон
22/12 19:00	Ман. Юнайтед	0-3	Борнмут
22/12 19:00	Эвертон	0-0	Челси
22/12 19:00	Венеция	2-1	Кальяри
22/12 20:15	Реал Мадрид	4-2	Севилья
22/12 21:30	Тоттенхэм	3-6	Ливерпуль
22/12 22:00	Аталанта	3-2	Эмполи
22/12 22:30	Леганес	2-5	Вильярреал
22/12 22:30	Лас-Пальмас	1-0	Эспаньол
23/12 00:45	Монца	1-2	Ювентус
23/12 01:00	Бетис	1-1	Райо Вальекано
23/12 22:30	Фиорентина	-	Удинезе
24/12 00:45	Интер	-	Комо

«Локомотив»нинг гуруҳимиздаги учинчи рақиби – «Ал-Иттиход»

ЭНГ КЎП ЎҚИЛГАН ЯНГИЛИКЛАР