Германия кубогининг чорак финал босқичи доирасида «Штутгарт»га қарши сафар ўйини (1:3) вақтида Дортмунднинг «Боруссия» жамоаси мухлислари майдонга теннис коптокларини улоқтиришди.
400 нафарга яқин дортмундлик мухлис ўзлари чипта олган секторга фақат 20 дақиқада кириб келишди ва дарҳол майдонга теннис коптокларини ташлай бошлашди. Улар ўйинлар учун чипталар нархи ошганига қарши норозилик сифатида олдиндан шундай акция ўтказишга келишиб олишганди.
Қайд этиш керакки, «Боруссия» ўйинларини трибунада тик турган ҳолда томоша қилиш учун чипталар 19,5 евродан сотилади. Ўйинларни ўриндиқларда ўтириб томоша қилиш учун чипталар баҳоси эса 38,5 евро.
