«Манчестер Юнайтед» жамоаси раҳбарияти бош мураббий Луи ван Гаалнинг фаолиятидан қониқмоқда.
Жамоа вице-президенти Эд Вудворд 64 ёшли голландиялик мутахассис билан жамоани келгусида ривожлантиришнинг турли вариантларини кўриб чиққан.
Sky Sports нашрининг ўз манбасига таяниб хабар беришича, «Челси»нинг собиқ бош мураббийи Жозе Моуриньони таклиф этиш тўғрисидаги хабарлар эса бевақт пайдо бўлди.
Бундан олдинроқ, Буюк Британиядаги бир қатор нашрлар манчестерликлар Моуриньо билан 3 йиллик шартнома тузишга келишиб олгани ва унга йилига 20 млн евро маош тўлаши ҳақида хабар тарқатганди. Шунингдек, Моуриньо ўзи билан «Манчестер Юнайтед»га «Атлетико» спорт директори Андреа Бертуни олиб бормоқчилиги ҳам айтилганди.
