Биласиз, айни пайтда икки нафар ҳамюртларимиз Сардор Рашидов ҳамда Санжар Турсуновлар Қатар Юлдузлар Лигасида фаолият олиб боришмоқда.
Бугундан Юлдузлар Лигасида 18-тур учрашувларига старт берилади. Ҳамюртларимиз тўп сураётган жамоалар эса ўз ўйинларини эртага ва индинга ўтказишади. Санжар Турсунов таркибида ўйнаётган “Умм Салал” жамоаси бу турда ўз уйида “Месаимеер”ни қабул қилса, 14 феврал куни Сардор Рашидовнинг “Ал Жаиш”и “Ал Ғарафа” билан баҳс юритади.
Таъкидлаш жоизки, миллий терма жамоамиз ярим ҳимоячиси “Ғарафа” билан ўйинни ўтказиб юборади. Чунки у 17-тур доирасидаги “Ал Хараитият” билан бўлган ўйинда белини шикастлаб олган. Жароҳат жиддий эмас, лекин “Жаиш” мураббийлар штаби Рашидов ҳозирча майдонга туширишни лозим топишмаяпти.
Шу боисдан ҳамюртимиз ОЧЛ-2016 плей-офф ўйинлари доирасида ўтган Эроннинг “Нафт” клубига қарши кечган матчни ҳам ўтказиб юборди.
