“Валенсия” жамоаси Испания чемпионати 24-турида “Эспаньол”га қарши баҳс олиб боради. Мазкур ўйин олдидан "кўршапалаклар" бош мураббийи Гари Невилл ўз келажаги ҳақида тўхталиб ўтди.
- Бўлажак ўйин қандай якунланишидан қатьий назар мен жамоада қоламан: мағлуб бўлсак ҳам, дуранг ёки ғалабага эришсак ҳам. Биз бор эътиборни ушбу ўйинга қаратмоқдамиз. Мен фақатгина бўлажак ўйин ҳақида ўйламоқдаман. Омад бизга кулиб боқишига ишонаман, - дейди англиялик мураббий.
Эслатиб ўтамиз, “Валенсия” клуби Гари Невилл қўли остида Испания чемпионатида қаторасига 9 ўйиндан буён ғалабага эриша олмаяпти.
