Қибрайдаги “Пахтакор” базасида “Локомотив” ёшлар жамоаси ўзининг навбатдаги ўртоқлик учрашувини мезбонларга қарши ўтказди. Бу сафар ҳам кучлар тенг келди – 1:1.
Биринчи бўлимнинг 20-дақиқасига келиб Тимур Усмонов ёш “темирйўлчилар”ни ҳисобда олдинга олиб чиқди. У бошланғич таркибдаги ёши энг катта футболчи сифатида қолган шерикларига ўрнак бўла олди. Айтиш керакки, “Локомотив”нинг бошланғич таркибида ўртача ёш 18,3 ни ташкил қилди.
Ўтказиб юборилган голдан 4 дақиқа ўтиб Равшан Хурсанов ҳисобни тенглаштиришга муваффақ бўлди. Шундан кейин биринчи бўлим якунига қадар майдонда тенг кураш кечди.
Иккинчи бўлим ўрталарига келиб мураббийлар бир қатор ўзгаришларни амалга оширишди. Футболчиларнинг куч ва имкониятлари яна бир бор синовдан ўтказилди. Бу таймда гол уриш ҳеч кимга насиб қилмади ва беллашув дуранг натижа билан интихо топди. Томонларнинг январь ойида бўлиб ўтган тўқнашувларида ҳам ғолибни аниқлаб бўлмаганди – 0:0.
ПАХТАКОР – ЛОКОМОТИВ 1:1
Голлар: Тимур Усмонов, 20 (0:1). Равшан Хурсанов, 24 (1:1).
“Локомотив”: Рустам Нортожиев — Улуғбек Абдуллаев, Ҳумоюн Аъзамов, Отабек Муҳамедов, Дилшод Эргашев — Рустам Хамроев, Фаррух Иброҳимов, Евгений Танаев — Шохруҳ Мўминқулов, Бобур Эргашев — Тимур Усмонов.
2-бўлимда майдонга тушганлар: Жаҳонгир Сафаров, Муҳаммад Омоналиев, Ҳамид Собиров, Аббос Комилов, Лазерь Адамов, Шахзод Қаюмов.
