“Уфа” жамоасида тўп суриб келаётган ўзбекистонлик ярим ҳимоячи Вагиз Галиулин клуб билан келишган ҳолда шартномасини бекор қилди, дея хабар беради уфаликлар расмий сайти.

- Уфа” клуби кўрсатилган ҳамкорлик учун Вагизга миннатдорчилик билдиради. Унинг келгуси фаолиятига омад ёр бўлишини тилаймиз, - дея ёзилади хабарда.

Маълумотларга кўра, 28 ёшли футболчи ўз фаолиятини “Тосно” жамоасидан давом эттиради. Жорий мавсумда ярим ҳимоячи Россия чемпионатида 11 та, Кубок баҳсларида эса 2 та ўйинда майдонга тушган.