Бугун ўзбек футболи тарихида тўртинчи марта Ўзбекистон Суперкубоги учрашуви ўтказилади. Учрашув Тошкент шаҳридаги “Бунёдкор” стадионида бўлиб ўтади.

Ўтган йили Ўзбекистон чемпионлигини қўлга киритган “Пахтакор” жамоаси ва Ўзбекистон Кубогини қўлга киритган “Насаф” жамоалари ушбу учрашувда ўзаро беллашишади.

“Насаф” жамоаси бугун ўз тарихида илк марта ана шундай учрашувда майдонга тушса, “Пахтакор” жамоаси учинчи марта Суперкубок баҳсида бахтини синаб кўради. Ҳар иккала жамоа бисотида ҳозирча бу соврин йўқ.

Ҳамма учрашувга шай. Шуниси қувонарлики “Насаф” жамоаси ушбу учрашувга бир кун қолганда ўз таркибини яна бир легонер ҳисобига кучайтириб олди. Деян Больевич бугунги учрашувда майдонга тушишга шай.

Барча мухлислар номидан севимли “Насаф” жамоамизга бугунги учрашувда омад ёр бўлишини ва Ўзбекистон Суперкубогини боши узра баланд кўтаришини тилаб қоламиз.

Ушбу учрашувни стадионда бевосита кузатиб сайтимиз орқали матнли трансляция қилишни режалаштирганмиз. Ушбу матнли трансляцияни мана бу ҳавола орқали ўтиб кузатиб бориш имкониятига эга бўласиз.

Эслатиб ўтамиз учрашув соат 15:00да бошланади.