“Лестер” жамоаси бош мураббийи Клаудио Раньерининг айтишича, ушбу мавсумда жамоанинг олдига чемпион бўлиш вазифаси қўйилмаган.

- Клуб мухлислари биз билан фахрланаётган бўлишса керак, чунки жамоа катта натижаларга эришмоқда. Футболчилар мана шу руҳда кураш олиб боришини хоҳлайман. Мухлислар биздан чемпионликни кутиши табиий, аммо, биз бу ҳақда ўйламаяпмиз. Фақатгина ишимизни давом эттирмоқдамиз. Премьер-лигада “Лестер” энг яхши жамоа эмас. Биздан кўра кучли клублар талайгина ва “Арсенал” шулар жумласидандир. Менимча, улар бу йил ғолиб чиқишади. Ҳозирда келаси мавсум учун пойдевор қуришимиз керак. Менинг бир орзуим бор, аммо, у ҳақида айтмайман, - дейди италиялик мутахассис. 

Эслатиб ўтамиз, "Лестер" айни дамда 53 очко билан турнир пешқадамлигини сақлаб турибди. Унинг яқин таъқибчилари "Арсенал" ва "Тоттенхэм" 2 очко ортда бормоқда.