“Локомотив” – “Ал-Иттиход” ўйинига 6 кун вақт қолди.

23 февраль – сешанба куни 15:00 га тайин қилинган беллашув австралиялик ҳакам Бенжамин Жон Уильямснинг ҳуштаги билан бошланади. Унга қанотларда ҳамюртлари Натан Александр Макдональд ҳамда Эшли Уорвик Бичем ёрдам беришади.

ОФК чемпионлар лигасининг мазкур ўйинига ироқлик Алаа Обид Ал-Қодирни назоратчи этиб белгилади. Учрашув комиссари Малдивдан – Аҳмад Шаҳир.

Бенжамин Жон Уильямсни футбол мухлисларимиз яхши танишади. У Ўзбекистон клублари ва терма жамоалари иштирокидаги 14 та беллашувни бошқариб борган. Шуларнинг 6 тасида бизнинг жамоалар имкониятни бой берган бўлишса, кўрсаткичнинг тенг ярмида зафар қучишган.

Австралиялик рефери “Локомотив” иштирокидаги фақатгина 1 та ўйинда ишлаган ва у 2015 йилнинг 17 март санасига тўғри келади. Ҳакам Тошкентга ташриф буюрган учрашувларида вакилларимиз мағлуб бўлишмаган. Жумладан, “Локомотив”нинг 23 февраль кунги рақиби “Ал-Иттиход”нинг пойтахтимиздаги Уильямс билан боғлиқ иккита беллашуви бор. Бу сафар жиддаликлар учинчи синовдан ўтишади.

23 февраль, 2016. “Локомотив” стадиони (15:00)
ЛОКОМОТИВ (Ўзбекистон) – АЛ-ИТТИХОД (Саудия Арабистони)
Ҳакамлар: Бенжамин Жон Уильямс, Натан Александр Макдональд, Эшли Уорвик Бичем (барчаси Австралиядан), Ҳанна Ҳаттоб (Сурия).
Назоратчи: Алаа Обид Ал-Қодир (Ироқ).
Комиссар: Аҳмад Шаҳир (Малдив).