Мадриднинг "Реал" клуби собиқ бош мураббийи Рафаэль Бенитес фикрича, "қироллик клуби"нинг ярим ҳимоячиси Гарет Бэйл шундай ишлашни давом эттирса, яна бир неча йилдан сўнг "Олтин тўп"га даъвогарлик қилиши мумкин экан. Испаниялик мутахассис уэльслик футболчининг Мадрид клубидаги ўйинидан қониқиш ҳосил қилган.
– Мен ҳеч қачон Бэйлга муаммо кўрмаганман, – дейди Бенитес Goalга. – У мен ҳар доим машғулотларда ажойиб иштирок этиб, ўз ишини пухта бажарадиган профессионал футболчи. Унинг яна ўсишига ишонаман. Агар у яна ҳам кўпроқ ҳаракат қилса, бундан кўпроғига ҳам эриша олади. Гарет ҳозир жуда яхши ўйинчи. Яна бир неча йилдан сўнг унинг "Олтин тўп"ни қўлга киритишини кўрсак ажабмас.
Эслатиб ўтамиз, Бэйл бу мавсум Испания чемпионатида 15 ўйинда майдонга тушиб, 13 гол (9 пас)га муаллифлик қилган.
