«Челси» бош мураббийи Гус Хиддинк мавсум якунига етгач, лондонликлар билан шартномаси якунланиши ва бошқа таклифларни кўриб чиқмаслигини айтиб ўтди.
"Мен жуда яхши формадаман ва ҳар куни тонгда юзда табассум билан уйғонмоқдаман. Гарчи охирги мағлубиятдан сўнг ўзимни у қадар яхши ҳис қилмаётган бўлсам-да, ҳар куни Кобхэмдаги машғулотлар базасига бориш менга ёқади.
Мен энди аста-секин дам олишга ўтишим керак. «Челси» ўйинларини келаси мавсум ҳам томоша қилиш учун келаман, аммо ҳозирча бошқа жойда фаолиятимни давом эттириш ҳақида ўйламаяпман", - дейди мураббий.