Янги мавсумга ҳозирлик кўраётган Тошкентнинг “Обод” клуби айни пайтда БААнинг Дубай шаҳрида йиғин ўтказмоқда.
Олий Лиганинг янги аъзоси мазкур йиғин мобайнида синов-назорат баҳсида майдонга тушишга ҳам алоҳида эътибор қаратмоқда. Куни кеча “Обод” Хитойнинг “Ханчжоу Гринтаун” клуби билан ўртоқлик ўйини ўтказди. Тим Кэхиллни таркибга қўшиб олган клуб билан кечган мазкур матч 2:2 ҳисобида тугади. “Обод” таркибида Алишер Азизов ҳамда Санжар Тўрақулов тўп киритишган бўлса, Хитой клуби сафида Анган дубль қайд этди.
“Обод” бугун навбатдаги ўртоқлик ўйинида майдонга тушади. Бу галги рақиб ҳам Хитой клуби бўлади. Бу сафар пойтахтликлар “Тиянцзин Теда” билан баҳс олиб боришади.