«Манчестер Юнайтед» клуби бош мураббийи Луи ван Гаал Англия кубогининг 1/8 финал доирасида «Шрусбери Таун»га қарши учрашувидан (3:0) кейин ўз фикрлари билан ўртоқлашди.

«Бугун ўйинимиздан тўлиқ қониқиш ҳосил қилдим. 70 дақиқа мобайнида биз ажойиб футбол намойиш этдик, профессионалларча ҳаракат қилдик, вазиятлар яратдик ва голлар киритдик. Кейин эса ўн киши бўлиб қолганимиз учун ўйинни охирги қисмини ўтказиш бироз мураккаброқ бўлди.

Бизни яна жароҳатлар ақлбовар қилмас даражада таъқиб этмоқда. Футболчилар бор эътиборини шу ўйинга қаратишганди, сиз буни ўйин давомида ҳам кузатган бўлишингиз керак. Ҳамма ҳар қандай вазиятда ҳам «Шрусбери»ни ютишимиз кераклигини таъкидлаётганди. Биз учун энг муҳими «МЮ» – Англия Кубоги чорак финалида.

Биз барча турнирларда курашни давом эттирамиз, АПЛда «Манчестер Сити»дан атиги 6 очко ортда қолмоқдамиз бизда бош совринни қўлга киритиш учун имкониятлар кўп. Бу унчалик ҳам осон бўлмайди, бунинг учун ҳали кўп учрашувларни ютишимиз керак. Буларнинг барчаси реал ҳолат», – дея таъкидлади ван Гаал.